• Bienvenidos a Ronda Somontano, revista digital del Somontano de Barbastro.
Cultura

L’aragonés, luenga y fablas

Chuntos en a mesma navata, chuntos ta cutio, chuntos por l'aragonés.

"En l’aragonés ye platero, a suya evolución sin regles, aduyau per l’ixolament  y o retecule en as fundas valls".¿Sapetz que ye un neucharrador y un charrador patrimonial en qualsiquier luenga? O primer ye o que aprende bella luenga sin estar a suya parla materna, o segundo ye qui teta ixa luenga dende que naixe y la fa servir como meyo de expresión. U sía, nusatros podem estar neucharradors anglesaixons y patrimonials castellans per meter bell eixemplo.En l’aragonés – per a suya embolicada existencia huei- en as zagueras quaranta anyadas ha rechitau iste concepto dual que i hai que conoixer-lo y ufrir-lo a ra luenga no pas ta pleitiar sino ta amillorar a cultura que porta arredol l’aragonés.

Millor charrar de fablas

O patrimonial ha estau ro millor refirme ta que as fablas historicas de l’aragonés s’haigan alzau de buena traza, adobando y acubillando as suyas particularidatz ta que huei continen en a parla viva dillá a ón encara se i charra. O vocablo «fabla», polito, pero no guaire bien emplegau ta charrar d’a luenga aragonesa, muito millor charrar de «fablas», ta clamar as zanceras variedatz de l’aragonés.

Miá-te si en tenemos: Cheso, Agüerano, Semontanés, Fonzense, Estadillano, Ribagorzano, Patués, Belsetán, Pandicuto, Chistabino… y muitas más que me’n deixo. ¿Per qué n’i hai tantas?

Un ligallo de lingüistas y filologos

Imachina-tos, a luenga castellana si dende tiempos meyavals no hese teniu un regle cheneral ortografico dezaga con tot o treballo que porta a Reyal Academia d’a Luenga Espanyola anyada par anyada. Si no estise iste organo, ¿qui fería as normas ta que o castellano ese ro mesmo en A Corunya u en Cadiz? O camín que sinyala a unidat en o medrar d’una luenga lo ha d’endrezar un ligallo de lingüistas y filologos. Per eixemplo, o trango que ha donnau L’Academia de l’Aragonés que encara ye en a suya ninyura, pero ya son prencipiaus a treballar per ista pobra luenga.

Esfender a luenga

En l’aragonés ye platero, a suya evolución sin regles, aduyau per l’ixolament y o retecule en as fundas valls, sin refirmes politicos, sin ferramientas d’espardidura y sin regles ortograficos chenerals han feito que cada variedat u «fabla» fese os suyo camín, bricando bellas esferenzas dentre ellas, pero alzando as partis semellants alazetals d’una mesma luenga neolatina y romanica.

Per ixo amenistamos a totz, a els patrimonials per que son o millor tresoro d’as esferents fablas de l’aragonés, portando sapencia y valura a cada parola que no han dixau amortar. Tamién a els neocharrador, sobrebuen espiello do chitar a uellada, con rasmia ta esfender a luenga d’a suya tierra devant de qualsiquier lopo furo. A más a más fa falta un regle cheneral como iste que fa servir un servidor, un «koiné» u «luenga standard» (como en tien o castellano, ro catalán, lo chino u l’anglés) que acubille todas as fablas, que les donne dignidat, que mene en l’esvenidero y fixe una espardidura guallarda y valient.

Previous ArticleNext Article

Deja un comentario

Tu dirección de correo electrónico no será publicada. Los campos obligatorios están marcados con *